Martín Berasategui

Donostian jaioa, munduko gastronomiako chef ospetsuenetako bat da. 13 urterekin ekin zion bere ibilbideari Bodegón Alejandron, bere lehen Michelin izarra lortu zuen jatetxean. 15 eta 27 urte bitartean, Frantzian hezi zen Didier Oudill eta Alain Ducasse sukaldari ezagunekin. 1993an, izen bereko jatetxea ireki zuen Lasarte-Orian, eta hamarkada bat baino gutxiagoan hiru Michelin izarretara iritsi zen. Gaur egun, 11 Michelin izar ditu Espainiako hainbat jatetxetan banatuta, besteak beste, Lasarte eta Oria, Bartzelonan, M.B. Tenerifen, Ola Bilbon eta Etxeko Eivissan. Hainbat aintzatespen jaso ditu, hala nola Donostiako Urrezko Danborra (2005), Honoris Causa doktoretza François Rabelais de Tours Unibertsitatean (2013) eta Espainiako Kultura eta Kirol Ministerioaren Arte Ederretako Merezimenduaren Urrezko Domina (2019). Gainera, hogei liburu baino gehiago argitaratu ditu eta “Garrote” esamolde mitikoa RAEren Hiztegi Historikoan sartu da. Michelin Espainia & Portugal 2022 Gidako Chef Mentor saria jaso du.